ការលក់ដូរយកដីចិញ្ចេីមផ្លូវសាធារណៈអាចងាយរងគ្រោះដោយសារតែករណីគ្រោះថ្នាក់ចរាចរណ៍.,,,ដូចនេះណាស់
(កំពង់ស្ពឺ)៖ ហេតុការណ៍គ្រោះថ្នាក់ចរាចរណ៍រថយន្តបេីករេចង្កូតបុកតូបលក់កាហ្វេ អ្នកលក់ទំនិញ លេីអែមដីចិញ្ចេីមផ្លូវជាតិលេខ៤ នៅថ្ងៃទី១៧ ខែតុលា ឆ្នាំ២០២៦ ចន្លោះគីឡូម៉ែត្រ (៦៥-៦៦)ស្ថិតនៅភូមិផ្សារត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ។
រថយន្ត១គ្រឿងម៉ាក HYUNDAI ពណ៌ស – ក្រហម ពាក់ផ្លាកលេខ ភ្នំពេញ3C-3391(ជារថយន្តក្រុងដឹកអ្នកដំណើរ) បើកបរដោយឈ្មោះ ប៉ាន់ ចាន់ណា ភេទប្រុស អាយុ៤៤ឆ្នាំ រស់នៅភូមិតាញោក ឃុំ ប្រាសាទ ស្រុកសន្ទុក ខេត្តកំពង់ធំ ដោយមានអ្នករួមដំណើរចំនួន៣៣នាក់ ស្រី១១នាក់ (មិនមានរបួស) រថយន្តបើកបរពីទិសខាងកើតទៅទិខាងលិច លុះមកដល់ចំណុចខាងលើបានរេចង្កូតមកខាងស្តាំដៃ រួចទៅប៉ះតូបលក់ដូរអាជីវករបណ្ដាលឲ្យខូចខាតសម្ភារៈមួយចំនួន តែសំណាងល្អ ក្នុងហេតុការណ៍ដ៏រន្ធត់នេះគ្មានមនុស្សរងរបួស ឬប៉ះពាល់អាយុជីវិតមនុស្ស។
លោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួច បានបញ្ជាក់ថារថយន្ត១គ្រឿងនេះអាចបណ្ដាលមកការគេចឧបសគ្គខាងមុខរួចបានរេចង្កូតទៅតែម្ដងចំណុចនេះសមត្ថកិច្ចអាជ្ញាធរបានចុះណែនាំអប់រំហាមឃាត់ដល់ក្រុមអ្នកលក់ដូរដែលបានយកដីចំណីថ្នល់លក់ដូរ ព្រោះជាការខុសច្បាប់និងមានហានិភ័យណាស់ យេីងដឹងថាចំណុចនេះជាកត្ដាមួយជួយដល់
បងប្អូនតែដូចករណីខាងលេីនេះតេីអ្នកណាអាចព្យករណ៍បានថាអ្នកនិងរួចខ្លួនបន្ដទៀតបេីសិនជួបឧបសគ្គនេះជាលេីកទី២.,។
បច្ចុប្បន្នសមត្ថកិច្ចនគរបាលបានយកសម្ភារៈមធ្យោបាយរថយន្ដក្រុងខាងលេីមករក្សាទុកនៅអធិការដ្ឋាននគរបាលស្រុកភ្នំស្រួចដេីម្បីពិនិត្យនិងដោះស្រាយតាមនីតិវិធី៕
រូបភាព និងអត្ថបទពីផេក (ស្នងការដ្ឋាននគរបាលខេត្តកំពង់ស្ពឺ)។