(ភ្នំពេញ )៖ ជីវិតអ្នកក្រ.!! រកមួយថ្ងៃ រស់មួយថ្ងៃ.! សេចក្តីស្រែកឃ្លាន..! ជួបទុក្ខលំបាកគ្រប់បែបយ៉ាង.!! រដូវបុណ្យចូលឆ្នាំចិន ពួកគាត់ប្រមូលផ្ដុំគ្នាដើម្បីទៅឈរមុខផ្ទះអស់លោកឧកញ៉ាអ្នកមានដើម្បីសុំអាំងប៉ាវ។
ជាក់ស្ដែងនៅព្រឹកថ្ងៃទី២៣ខែមករា ឆ្នាំ ២០២៥នេះ ប្រជាពលរដ្ឋរាប់រយនាក់ មកពីគ្រប់ទិសទី ប្រមូលផ្តុំគ្នាទៅរងចាំទទួលអាំងប៉ាវ នៅភូមិគ្រឹះលោកអ្នកឧកញ៉ា សុខ គង់ នាព្រឹកថ្ងៃទី២៣ ខែមករា ឆ្នាំ២០២៥ នៅតាមផ្លូវនរោត្តម ខណ្ឌដូនពេញ រាជធានីភ្នំពេញ ខណៈប្រមូលផ្តុំគ្នា នោះ និងដោយសារមនុស្សច្រើន ស្រាប់តែកើតមានអាការៈខ្យល់គរ ដួលសន្លប់ ជាបន្តបន្ទាប់ និងបណ្តាលអោយមានមនុស្សចាស់៣នាក់ បានស្លាប់ និង៦នាក់ផ្សេងទៀត រងរបួស ត្រូវបានរថយន្តសង្គ្រោះ ជាច្រើនគ្រឿង ដឹកយកទៅសង្គ្រោះនៅមន្ទីរពេទ្យ។
បើតាមសង្កេតឃើញថា ក្នុងមួយឆ្នាំមួយឆ្នាំ ដល់រដូវបុណ្យចូលឆ្នាំចិន ឃើញមានលោកឧកញ៉ា អ្នកឧកញ៉ា អ្នកមានលុយច្រើន តែងតែធ្វើបុណ្យ ធ្វើទាន ធ្វើអាំងប៉ាវចែកអំណោយដល់បងប្អូនប្រជាពលរដ្ឋក្រីក្រ ដែលទៅឈរចាំទទួលយកអាំងប៉ាវ៕